Saturday, July 3, 2010

ព័ត៌មានទាន់ហេតុការណ៍

កម្ពុជា​ចាប់​ភេរវករ​ថៃ​បើក​គ្រាប់​បែក​ពីរ​នាក់​ គ្រោង​ប្រគល់​ឲ្យ​ស្ថាន​ទូត​ថៃ​នៅ​ថ្ងៃ​ចន្ទ


ក្រសួង​ការបរទេស​កម្ពុជា​បាន​ប្រកាស​ឲ្យដឹង​នៅ​យប់​ថ្ងៃ​សៅរ៍​ថា​ អាជ្ញាធរ​កម្ពុជា​នៅក្នុង​ខេត្ត​សៀមរាប​ បាន​ចាប់​ជនជាតិ​ថៃ​ពីរ​នាក់​កាល​ពី​ម៉ោង​ ៥​ ល្ងាច​ថ្ងៃ​សៅរ៍​នេះ។​ យោង​តាម​សេចក្តី​ប្រកាស​ព័ត៌មាន​ ជន​ជាតិ​ថៃ​ ទាំង​ពីរ​នាក់​នោះ​មាន​ឈ្មោះ​ប៊ូន​ភ្លូត​ កុប​ឆៃ​ កើត​ថ្ងៃ​ទី​១៩​ ខែ​កក្កដា​ ឆ្នាំ​ ១៩៦៧​ និង​ម្នាក់​ទៀត​ ភេទ​ស្រី ​ឈ្មោះ​ ប្លូន​សុំ​ វ៉ារីសារីយ៉ា ​កើតថ្ងៃ​ទី​៣០​ ខែ​កញ្ញា​ ឆ្នាំ​ ១៩៦៧​ ដែល​បាន​ប្រព្រឹត្ត​អំពើ​ភេរវកម្ម​ ដោយ​គប់​គ្រាប់​បែក​ នៅ​ទី
ក្រុង​បាងកក​ កាល​ពី​ថ្ងៃ​ទី​២២​ ខែ​មិថុនា​ ឆ្នាំ​ ២០១០​។

ក្រសួង​ការបរទេស​បាន​បន្ត​ថា​ ទោះបីជា​មិន​មាន​ការ​ស្នើ​សុំ​ពី​រដ្ឋាភិបាល​ថៃ​ក៏ដោយ​ ក៏រាជ​រដ្ឋា​ភិបាល​ កម្ពុជា​ បាន​សម្រេច​ចាប់​ និង​បញ្ជូន​ភេរវជន​ទាំង​ពីរនាក់​នេះ​ទៅ​ប្រទេស​ថៃ​វិញ ​ដែល​បញ្ជាក់​ឲ្យ​ឃើញ​ថា​ រាជ​រដ្ឋា​ ផិបាល​កម្ពុជា​ ជានិច្ច​កាល​អនុវត្ត​នយោ​បាយ​ប្រឆាំង​ភេរវកម្ម​ ទោះ​ជាបាន​ប្រព្រឹត្ត​ទីនៅ​ទីណា​ក៏ដោយ​ ហើយ​
តែង​តែ​ធ្វើ​កិច្ច​សហ​ប្រតិ​បត្តិ​ការ​ជានិច្ច​កាល​ជាមួយ​ប្រទេស​នានា​លើ​ពិភព​លោក​ ប្រឆាំង​នឹង​អំពើ​ភេរវកម្ម ​ដែល​ជាអំពើ​ឧក្រិដ្ឋ​កម្ម​ ពុំអាច​លើក​លែង​ទោស​បាន​។

ក្រសួង​ការបរទេស​ និង​សហ​ប្រតិ​បត្តិ​ការអន្តរ​ជាតិ​កម្ពុជា​ នឹង​ប្រគល់​ជន​ប្រព្រឹត្ត​ភេរវកម្ម​ទាំង​ពីរ​នាក់​
នេះ​ទៅ​ស្ថាន​ទូត​ថៃ​នៅ​ភ្នំពេញ​ នៅថ្ងៃចន្ទ​ ទី​ ៥​ ខែ​កក្កដា​ ឆ្នាំ​ ២០១០​ វេលា​ម៉ោង​ ១០​ ព្រឹក​៕



Breaking News

Cambodian foreign Minisry informs that 2 Thai, suspect of Grenade attack in Bangkok, were arrested by Siem Reap authorities at 5pm today. Even no request from Thai governement, Minstry will deliver them to Thai officials on monday, 5 July at Thai Embassy. It represent the volonteer of Cambodian government to combat against terrorism every where and coporate with all countries

No comments:

Post a Comment