Saturday, July 10, 2010


អតីត​ប្រធាន​គុកទួលស្លែង​ស្នើ​ដក​មេធាវី​បរទេស​ François Roux ចេញ


ប្រធាន​អង្គភាព​គាំពារ​ការពាក្តី​សាលាក្តី​ខ្មែរក្រហម​បានថ្លែង​ឲ្យដឹង​នៅថ្ងៃនេះ​ថា ​អតីត​ប្រធាន​គុកទួល
ស្លែង​ កាំង​ ហ្គេកអ៊ាវ​ ហៅឌុច​ បានស្នើ​សុំដក​សហមេធាវី​បរទេស​របស់​លោក​ចេញពី​ក្រុមការងារ​ការពារក្តី។​ សំណើ​ដកលោក​ Fracois​ Roux​ សហ​មេធាវី​បរទេសនេះ​ ត្រូវបាន​ឌុច​បញ្ជូន​ទៅកាន់​អង្គភាព​គាំពារ​ការពាក្តី​ កាល​ពីថ្ងៃទី​៣០​ ខែមិថុនា​ កន្លងទៅ​។

លោក​ Richard​ Rogers​ ប្រធាន​អង្គភាព​គាំពារការ​ពារក្តី​ បានថ្លែង​នៅក្នុង​សេចក្តី​ប្រកាស​ព័ត៌មាន​នៅ ថ្ងៃ​សុក្រ​ថា​ បន្ទាប់ពី​បាន​ពិនិត្យ​លើ​នីតិវិធី​ច្បាប់​ និង​វិធានផ្ទៃ​ក្នុង​រួចមក​ អង្គភាព​គាំពារ​ការពារ​ក្តី​បាន​យល់​ព្រម
លើ​សំណើ​របស់​លោក​កាំង​ ហ្គេកអ៊ាវ​ សុំដក​សហ​មេធាវី​បរទេស​របស់​គាត់​ លោក​
Roux​

ជាមួយនឹង​សេចក្តី​សម្រេចនេះ​ អង្គភាព​គាំពារ​ការពារក្តី​បានកត់​សម្គាល់​ថា​ ពុំមាន​មូលហេតុ​អ្វី​ដែល​
ត្រូវ​សង្ស័យថា​ការបាត់​បង់​ទំនុក​ចិត្ត​របស់​លោក​ កាំង ​ហ្គេកអ៊ាវ​ គឺមិនពិត​នោះទេ​ ហើយ​ពុំមាន​មូលហេតុអ្វី​ ដែលត្រូវ​សង្ស័យ​ថា​ សំណើ​សុំដក​មេធាវី​ការពារក្តី​មានចេតនា​រារាំង​ដល់ដំណើរ​ការ​នីតិវិធី​ដែរ​។ លោក​
Richard​ Rogers​ បានបន្ត​ទៀតថា​៖«ការដក​លោក​ Francois​ Roux​ នៅដំណាក់​កាលនេះ​នឹងមិន​បង្កឲ្យ​មានការ​ពន្យារ​ដំណើរ​ការនីតិវិធី​ដោយ​មិនត្រឹមត្រូវដែរ​។ ការ​បាត់បង់​ទំនុក​ចិត្ត​បង្កើត​ឲ្យ​មាន​ករណី​ពិសេស​»។

ប្រធាន​អង្គភាព​គាំពារ​ការពារក្តី​បានបន្ថែម​ថា​៖«សេចក្តី​សម្រេច​នេះ​មិនមែន​ជាការ​គាំទ្រ​ដល់​មូល
ហេតុ​នៃការ​បាត់បង់​ទំនុក​ចិត្ត​ដែល​ត្រូវ​បាន​លើក​ឡើង​នៅក្នុង​សំណើរ​បស់​លោក​កាំង​ ហ្គេកអ៊ាវ​នោះទេ។​ នៅក្នុង​កាលៈ​ទេសៈ​
នេះ​ វាមិន​ចាំបាច់​ទទួល​យក​ ឬបដិសេធ​មូលហេតុ​ទាំងអស់​ខាងលើនេះ»​។ លោក​បន្តថា​ អង្គភាព​គាំពារ​ការពារ​ក្តី​សូម​ឲ្យអង្គ​ជំនុំ​ជម្រះ​សាលា​ដំបូង​យល់​ព្រម​លើការ​ដកលោក ​Roux​ ជា​សហ​មេធាវី​ បរទេស​របស់​លោក​កាំង​ ហ្គេកអ៊ាវ​។

សេចក្តី​ប្រកាស​ព័ត៌មាន​របស់​សាលាក្តីខ្មែរ​ក្រហម​បាន​ថ្លែង​ថា​ នៅថ្ងៃទី​៩​ ខែកក្កដា ​ឆ្នាំ ​២០១០​ អង្គ​
ជំនុំ​ជម្រះ​សាលា​ដំបូង​បាន​ឃើញ​ការ​ស្នើសុំ​ដក​លោក ​Roux​ ជា​សហ​មេធាវីប​រទេស​របស់​លោក​កាំង ​ហ្គេកអ៊ាវ​ ហើយ។​ សហ​មេធាវី​ជាតិ​របស់​គាត់​ លោក​ ការ​ សាវុត្ថ​ នឹង​បន្តការ​ពារ​លោក​ កាំង​ ហ្គេកអ៊ាវ​ទៅទៀត​។ អង្គភាព​គាំពារ​ការពារក្តី​នឹង​មិន​ពិចារណា​លើការ​ចាត់តាំង​សហ​មេធាវីទី​២​ ដើម្បី​ជំនួស​លោក​ Roux​ ទេ រហូត​ទាល់តែ​ក្រោយការចេញ​សាលក្រម​។ សាលា​ក្រម​លើរឿង​ឧក្រិដ្ឋ​កម្ម​នៅគុកទួល​ស្លែង​ដឹកនាំ​ដោយ​ឌុច ដែល​គ្រោង​នឹង​ប្រកាស​ឡើង​នៅថ្ងៃទី​ ២៦​ ខែកក្កដា​ ខាង​មុខនេះ៕

No comments:

Post a Comment